ទំព័រដើម » សុខភាព » ជំងឺ​រលាក​ថ្លើម​ប្រភេទ​បេ (B) ដែល​ឈាន​ទៅ​មាន​ជំងឺ​ក្រិន​ថ្លើម​និង​មហារីក​ថ្លើម

ជំងឺ​រលាក​ថ្លើម​ប្រភេទ​បេ (B) ដែល​ឈាន​ទៅ​មាន​ជំងឺ​ក្រិន​ថ្លើម​និង​មហារីក​ថ្លើម

ជំងឺ​រលាក​ថ្លើម​ប្រភេទ​បេ (B) ដែល​ឈាន​ទៅ​មាន​ជំងឺ​ក្រិន​ថ្លើម​និង​មហារីក​ថ្លើម

៣

ជំងឺ​រលាក​ថ្លើម​ប្រភេទ​បេ (B) ពុំ​មែន​ជា​ជំងឺ​តំណ​ពូជ​នោះ​ទេ គឺ​ជា​ប្រភេទ​ជំងឺ​ឆ្លង។ អ្នក​មាន​ជំងឺ​នេះ​អាច​ព្យាបាល​ឲ្យ​ជា​សះស្បើយ​បាន ប៉ុន្តែ​បើ​សិន​ជា​មិន​បាន​ព្យាបាល​ឲ្យ​បាន​ទាន់​ពេល និង​ត្រឹមត្រូវ​ទេ​នោះ នឹង​មាន​វិបាក​ជាច្រើន​ដែល​កើត​ចេញ​ពី​ជំងឺ​នេះ ដែល​នឹង​បង្ក​ឲ្យ​មាន​គ្រោះថ្នាក់​ដល់​អាយុ​ជីវិត។

ក្រៅ​អំពី​ការ​ព្យាបាល​ជំងឺ​នេះ ក៏​មាន​វិធី​បង្ការ​សម្រាប់​អ្នក​មិន​ទាន់​កើត​មាន​ជំងឺ​រលាក​ថ្លើម​នេះ​ដែរ។

បើ​សិន​ជា​លោក​អ្នក​ព្យាបាល​ជំងឺ​រលាក​ថ្លើម​ប្រភេទ​បេ (B) មិន​បាន​ទាន់​ពេលវេលា និង​ត្រឹមត្រូវ​ទេ​នោះ នឹង​អាច​វិវឌ្ឍន៍​ទៅ​មាន​ជា​ជំងឺ​ក្រិន​ថ្លើម និង​ជំងឺ​មហារីក​ថ្លើម​បាន។

នាយក​គ្លីនិក​វឌ្ឍនៈ​វិជ្ជា លោក​វេជ្ជបណ្ឌិត ភៀវ សូរ៉ែន ផ្ដល់​និយម​ន័យ​ថា ជំងឺ​រលាក​ថ្លើម​ប្រភេទ​បេ (B) គឺ​បង្ក​ដោយ​មេរោគ​វីរុស​ប្រភេទ​បេ (B) ហើយ​ធ្វើ​ឲ្យ​កោសិកា​ថ្លើម​មាន​របួស និង​រលាក។ លោក​វេជ្ជបណ្ឌិត​ឲ្យ​ដឹង​ថា វីរុស​ប្រភេទ​បេ វា​ជា​វីរុស​ស្ងាត់ស្ងៀម ដែល​អាច​រស់នៅ​ខាង​ក្រៅ​ខ្លួន​មនុស្ស​បាន​ដល់​ជាង​មួយ​សប្ដាហ៍ ហើយ​អាច​មាន​អត្រា​ចម្លង​ខ្ពស់​ជាង​មេរោគ​អេដស៍​ដល់​ទៅ ១០០​ដង។

មូលហេតុ​ដែល​បណ្ដាល​ឲ្យ​មាន​ជំងឺ​នេះ គឺ​ពាក់ព័ន្ធ​នឹង​ការ​ចម្លង​មេរោគ មាន​ដូចជា៖

  • ការ​ចម្លង​មេរោគ​តាម​រយៈ​ឈាម គឺ​ការ​ឆ្លង​តាម​ការ​រួម​ភេទ
  • ការ​ចម្លង​ពី​ម្ដាយ​ទៅ​កូន​នៅ​ពេល​សម្រាល
  • ការ​ប្រើប្រាស់​សឺរ៉ាំង​ម្ជុល​រួម​គ្នា
  • ប្រដាប់​ចាក់​សាក់
  • ប្រដាប់​ចោះ​ត្រចៀក
  • ឧបករណ៍​សម្ភារ​ពេទ្យ​ដែល​មិន​បាន​សម្លាប់​មេរោគ
  • កន្ត្រៃ​កាត់​សាច់​ក្រចក​នារីៗ​នៅ​ពេល​ប្រើប្រាស់​ដោយ​មិន​បាន​សម្អាត​ត្រឹមត្រូវ
  • ការ​ប្រើ​ឡាម​កោរ​ពុក​មាត់​រួម​គ្នា
  • និង​ការ​ប្រើ​ច្រាស​ដុស​ធ្មេញ​រួម​គ្នា ជាដើម ប៉ុន្តែ​ការ​រស់នៅ​ជុំ​គ្នា ហូប​ចុក​ដោយ​ប្រើប្រាស់​ចាន​កែវ​រួម​គ្នា ការ​ឱប​ថើប ប៉ះ​ដៃ និង​និយាយ​គ្នា មិន​ឆ្លង​នោះ​ទេ។

មេរោគ​រលាក​ថ្លើម​ប្រភេទ​បេ​នេះ មាន​ភាព​ខ្លាំង​អាច​រស់នៅ​ក្នុង​លំហ​បរិយាកាស​បាន​ដល់​ទៅ ១​សប្ដាហ៍​ទើប​ងាប់។ ដូច្នេះ សម្រាប់​នារីៗ​ដែល​និយម​ទៅ​កាត់​សម្អាត​សាច់​ក្រចក​នៅ​តាម​ហាង តូប ឬ​មជ្ឈមណ្ឌល​កែ​សម្ផស្ស​នានា ដោយ​គេ​មិន​បាន​យក​ចិត្ត​ទុក​ដាក់​ជូត​សម្អាត និង​សម្លាប់​មេរោគ​លើ​ឧបករណ៍​សម្ភារ​ប្រើប្រាស់​ត្រឹមត្រូវ​នោះ ប្រឈម​នឹង​ការ​ឆ្លង​ជំងឺ​នេះ​ខ្លាំង​ណាស់៖ «អា​កន្ត្រៃ​អី​គាត់​កាត់​ហ្នឹង គាត់​អត់​បាន​សម្អាត គាត់​អត់​បាន​សម្លាប់​មេរោគ​បាន​ល្អ​ទេ។ គាត់​យក​ទៅ​កាត់​ម្នាក់​ទៀត​ទៅ អាច​មេរោគ​ហ្នឹង​ឆ្លង​ទៅ​ម្នាក់​ទៀត​ទៅ បើ​សិន​ជា​ម្នាក់​នោះ​មាន​ដាច់​រលាត់​ដែរ។ បើ​សិន​ជា​យើង​ប្រើ​អាល់កុល​ជូត​ទៅ​ប៉ះ​ចំ​មេរោគ​ហ្នឹង វា​ដាច់​ទៅ​បាត់​ទៅ គឺ​យើង​ត្រូវ​ប្រាកដ​ថា​បាន​សម្អាត​ឲ្យ​បាន​ត្រឹមត្រូវ ព្រោះ​ជួន​ទៅ​កន្លែង​គាត់​កែ​សម្ផស្ស​អ៊ីចឹងៗ គាប់​ជួន​មាន​ភ្ញៀវ​ច្រើន​គាត់​ជូត​ឃ្វាចៗ​ទៅ​អត់​ចំ​កន្លែង​ប្រឡាក់​ហ្នឹង​ទេ។ វា​នៅ​តែ​មាន​កត្តា​ប្រឈម​ជំងឺ​ឆ្លង។ វិធី​ដែល​ល្អ​បំផុត គឺ​គេ​យក​ទៅ​ដាក់​ម៉ាស៊ីន​បើក​សីតុណ្ហភាព​ប៉ុន្មាន​រយ​ដឺក្រេ​ទៅ​បាន​ប្រាកដ​ថា​វា​ងាប់»

លោក​វេជ្ជបណ្ឌិត ភៀវ សូរ៉ែន បាន​ឲ្យ​ដឹង​ថា នៅ​ពេល​ឆ្លង​មេរោគ​រលាក​ថ្លើម​បេ ដំបូងៗ​គឺ ៧០% ពុំ​មាន​រោគ​សញ្ញា​ស្ដែង​ចេញ​អ្វី​ទាំងអស់​ឲ្យ​លោក​អ្នក​ដឹង​នោះ​ទេ ៣០% ដែល​អាច​ចេញ​អាការ​ឲ្យ​អ្នក​ជំងឺ​ដឹង​មាន​ដូចជា ក្ដៅ​ខ្លួន អស់​កម្លាំង បាត់​ចំណង់​អាហារ ឈឺ​ពោះ ទឹក​នោម​មាន​ពណ៌​លឿន​ចាស់ ចុក​រោយ​ដៃ​ជើង និង​ករណី​ខ្លះ​ភ្នែក​ឡើង​លឿង ឬ​ស្បែក​ឡើង​ពណ៌​លឿង​តែ​ម្ដង ប៉ុន្តែ​មិន​អាច​កំណត់​ឲ្យ​តែ​មាន​អាការ​បែប​នេះ ១០០% ថា​មាន​ជំងឺ​ថ្លើម​ប្រភេទ​បេ​នោះ​ឡើយ គឺ​មាន​តែ​ការ​ធ្វើ​តេស្ដ​ឈាម​មួយ​មុខ​គត់ ដែល​អាច​បញ្ជាក់​ថា​មាន​ជំងឺ​នេះ​ពិត​ប្រាកដ៖ «មាន​តែ​ធ្វើ​តេស្ដ មាន​តែ​ជោះ​ឈាម​ទេ​ដែល​អាច​បញ្ជាក់ ពីព្រោះ​ជំងឺ​ថ្លើម ព្រោះ​រលាក​ថ្លើម​វា​មាន​ច្រើន។ វា​មាន​ប្រភេទ​អា បេ ប្រភេទ​សេ ឬ​មួយ​រលាក​ដោយសារ​ជាតិ​អាល់កុល ដោយ​ជាតិ​គីមី ឬ​មួយ​ជាតិ​ពុល​ផ្សេងៗ ក៏​វា​អាច​ស្ដែង​រោគ​សញ្ញា​ស្រដៀង​គ្នាៗ​អ៊ីចឹង​ដែរ។ ដើម្បី​បញ្ជាក់​ថា​យើង​មាន​រោគ​សញ្ញា​ហ្នឹង រលាក​ប្រភេទ​ណា​មួយ​យើង​ជោះ​ឈាម​ទៅ​បាន​អាច​ដឹង​ច្បាស់​បាន»

លោក​វេជ្ជបណ្ឌិត​អះអាង​ថា អាការ​អាច​ឃើញ​នៅ​ពេល​ឆ្លង​មេរោគ​នេះ​ពី ៣​ខែ​ទៅ ៦​ខែ។ បើ​សិន​ជា​លោក​អ្នក​សង្ស័យ​នឹង​មាន​អាការ​បែប​នេះ គ្រូពេទ្យ​បាន​ផ្ដល់​ឱវាទ​ថា ឲ្យ​ប្រញាប់​ទៅ​ជួប​វេជ្ជបណ្ឌិត​ដើម្បី​ធ្វើ​ការ​ពិនិត្យ​មើល​ទៅ​លើ​ស្ថានភាព​មេរោគ មុខងារ​ថ្លើម កម្រិត​រលាក និង​ការ​ប្រឈម​មុខ​នឹង​ការ​វិវឌ្ឍន៍​ផ្សេងៗ។ គ្រូពេទ្យ​នឹង​កំណត់​នីតិវិធី​នៃ​ការ​ព្យាបាល​ទៅ​តាម​លទ្ធផល​នៃ​ការ​ពិនិត្យ ដោយ​ការ​ផ្ដល់​ឱសថ ហើយ​បើ​ធ្ងន់ធ្ងរ​នឹង​ឈាន​រហូត​ដល់​ការ​ប្ដូរ​ថ្លើម​ក៏​មាន នៅ​ស្រុក​ខ្មែរ​មិន​ទាន់​មាន​ទេ ប៉ុន្តែ​នៅ​ប្រទេស​ផ្សេងៗ​ដូចជា​សហរដ្ឋ​អាមេរិក ដោយសារ​បច្ចេកវិទ្យា​ទំនើប គឺ​គេ​អាច​ប្ដូរ​បាន៖ «បើ​សិន​ជា​យើង​វិវឌ្ឍន៍​ទៅ​ដល់​ដំណាក់កាល​ក្រិន​ថ្លើម​ហើយ មាន​ន័យ​ថា​ដំណាក់កាល​ធ្ងន់​ចុង​ក្រោយ​ហើយ មាន​ន័យ​ថា​សាច់​នោះ​វា​ខូច។ គ្រាន់​ថា​វា​ក្រិន​វា​ចែក​ជា​ក្រិន​ដំណាក់កាល​ស្រាល និង​ក្រិន​ដំណាក់កាល​ចុង​ក្រោយ បើ​សិន​ជា​ដំណាក់កាល​ចុង​ក្រោយ ទោះ​ព្យាបាល​យ៉ាង​ម៉េច​ក៏​មិន​អាច​ត្រឡប់​មក​វិញ​បាន​ដែរ គ្រាន់​តែ​ថា​ថ្នាំ​អាច​ទប់​មួយ​រយៈៗ»

ទាក់ទង​ទៅ​នឹង​ជំងឺ​ថ្លើម​នេះ សិក្ខាសាលា​កម្ពុជា-ជប៉ុន លើក​ទី​២ ស្តី​អំពី “បច្ចេកទេស​អង់ដូស្កូ​ក្នុង​ការ​ធ្វើ​រោគ​វិនិច្ឆ័យ និង​ព្យាបាល​ជំងឺ​មហារីក​ប្រព័ន្ធ​រំលាយ​អាហារ និង​ថ្លើម” រៀបចំ​ដោយ​មន្ទីរពេទ្យ​កាល់ម៉ែត កាល​ពី​ខែ​កុម្ភៈ ក្រោម​កិច្ច​សហការ​ពី​សាកលវិទ្យាល័យ​ណាហ្គោយ៉ា (Nagoya University) នៃ​ប្រទេស​ជប៉ុន បាន​បង្ហាញ​ថា ជំងឺ​មហារីក​ប្រព័ន្ធ​រំលាយ​អាហារ និង​ថ្លើម គឺ​ជា​ជំងឺ​មហារីក​ដែល​កើត​មាន​ជា​ញឹកញាប់​នៅ​លើ​ប្រជាជន​កម្ពុជា។ ស្ថិតិ​ចុង​ក្រោយ​ពី​អង្គការ​សុខភាព​ពិភពលោក​នៅ​ឆ្នាំ​២០១២ បាន​បង្ហាញ​ឲ្យ​ឃើញ​ថា ប្រជាជន​កម្ពុជា ជាពិសេស​បុរស​មាន​អត្រា​កើត និង​ស្លាប់​ដោយសារ​ជំងឺ​មហារីក​ថ្លើម​ខ្ពស់​ជាង​គេ​បំផុត​នៅ​ក្នុង​តំបន់​អាស៊ី​អាគ្នេយ៍ ដោយ​មាន​ចំនួន​អ្នក​កើត​ប្រហែល​ជាង ២.២០០​ករណី​ក្នុង​មួយ​ឆ្នាំ ក្នុង​នោះ​ជាង ៩៥% នៃ​អ្នក​ជំងឺ​បាន​ទទួល​មរណភាព (គិត​ជា​ចំនួន​សរុប​ជាង ២.១០០​ករណី​ក្នុង​មួយ​ឆ្នាំ)។

លោក​វេជ្ជបណ្ឌិត ភៀវ សូរ៉ែន បញ្ជាក់​បន្ថែម​ដូច្នេះ៖ «ចំពោះ​មេរោគ​រលាក​ថ្លើម​ប្រភេទ​បេ និង​ប្រភេទ​សេ នោះ វា​ខុស​គ្នា​ត្រង់​មេរោគ​ហ្នឹង ភាព​ធ្ងន់ធ្ងរ​របស់​វា​ប្រហាក់ប្រហែល​គ្នា។ វា​អាច​បង្ក​ឲ្យ​ថ្លើម​យើង​វិវឌ្ឍន៍​ទៅ​ជា​មហារីក និង​ទៅ​ជា​ក្រិន​ថ្លើម​បាន​ដូច​គ្នា គ្រាន់​តែ​ថា​នៅ​ក្នុង​ប្រទេស​នៅ​អាស៊ី​យើង​នេះ អត្រា​មេរោគ​រលាក​ថ្លើម​ប្រភេទ​បេ មាន​ខ្ពស់​ជាង​គេ ហើយ​អត្រា​មេរោគ​រលាក​ថ្លើម​ប្រភេទ​បេ ដែល​បង្ក​ឲ្យ​ទៅ​ជា​ជំងឺ​មហារីក​ថ្លើម​ខ្ពស់​ជាង​នៅ​អឺរ៉ុប និង​អាមេរិក ហើយ​បើ​នៅ​អឺរ៉ុប និង​សហរដ្ឋ​អាមេរិក យើង​ឃើញ​ជំងឺ​រលាក​ថ្លើម​សេ​ខ្ពស់​ជាង​ប្រភេទ​បេ​វិញ»

ពាក់ព័ន្ធ​នឹង​ជំងឺ​រលាក​ថ្លើម​ប្រភេទ​បេ​នេះ គ្រូពេទ្យ​បាន​ផ្ដល់​ឱវាទ​មួយ​ចំនួន។ ទោះ​បី​ជា​យ៉ាង​ណា វិធានការ​ការពារ​ដ៏​ល្អ​បំផុត​សម្រាប់​អ្នក​ដែល​ពុំ​ទាន់​កើត​មាន​ជំងឺ​ថ្លើម​ប្រភេទ​បេ​នេះ លោក​អ្នក​អាច​ការពារ​ដោយ​ការ​ចាក់​ថ្នាំ​បង្ការ​ដែល​គេ​អាច​ចាក់​បាន​ចាប់​តាំង​ពី​កូន​ក្មេង រហូត​ដល់​មនុស្ស​ចាស់ ហើយ​សូម​លោក​អ្នក​ចាក់​ឲ្យ​បាន​គ្រប់​ចំនួន​កម្រិត ៣​ដង​តាម​ក្បួន​ខ្នាត​ពេទ្យ ដែល​មុន​ចាក់​ថ្នាំ​បង្ការ​គឺ​ត្រូវ​ធ្វើ​តេស្ដ​ឈាម​ជា​មុន។

ចំណែក​អ្នក​ដែល​មាន​ជំងឺ​ថ្លើម​នេះ​រួច​ហើយ គាត់​ត្រូវ​ទៅ​ជួប​វេជ្ជបណ្ឌិត​ឲ្យ​បាន​ត្រឹមត្រូវ ដើម្បី​ពិនិត្យ​មើល​អំពី​ស្ថានភាព​ជំងឺ ដើម្បី​រៀបចំ​ការ​ព្យាបាល​ឲ្យ​ទាន់​ពេលវេលា កុំ​ទុក​ឲ្យ​ជំងឺ​នេះ​វិវឌ្ឍន៍​ចេញ​រោគ​សញ្ញា​ធ្ងន់ៗ ដែល​វា​អាច​ហួស​ពេល​វិវឌ្ឍន៍​រហូត​ដល់​ក្រិន​ថ្លើម ឬ​មាន​ដុំ​មហារីក​នៅ​លើ​សាច់​ថ្លើម​ហើយ ជា​ដំណាក់កាល​ចុង​ក្រោយ ពេល​នោះ​ហើយ​គឺ​អ្វីៗ​នឹង​ត្រូវ​ហួស​ពេល​មិន​អាច​ជួយ​សង្គ្រោះ​បាន​ទេ។

នាយក​គ្លីនិក​វឌ្ឍនៈ​វិជ្ជា លោក​វេជ្ជបណ្ឌិត ភៀវ សូរ៉ែន បាន​ផ្ដល់​អនុសាសន៍​ទៀត​ថា ការ​ហូប​ចុក​ដើម្បី​បំប៉ន​សុខភាព​ថ្លើម​ពុំ​មាន​អ្វី​ជាពិសេស​នោះ​ទេ ប៉ុន្តែ​ការ​ទទួល​ទាន​ផ្លែ​ឈើ បន្លែ ត្រី​សាច់ គឺ​ជា​ការ​ល្អ​បំផុត។ លោក​អ្នក​គួរ​ជៀសវាង​កុំ​សូវ​បរិភោគ​អាហារ​ណា​ដែល​មាន​ខ្លាញ់ ឬ​គ្រឿង​សមុទ្រ​ដែល​មាន​ប្រភេទ​ជាតិ​ប្រូតេអ៊ីន​ខ្ពស់ៗ រីឯ​ស្រា បារី និង​អាហារ​ផ្អាប់ ដូចជា​ផ្អក ប្រហុក ជាដើម ក៏​កុំ​សូវ​បរិភោគ​ច្រើន​ពេក​ដែរ ពីព្រោះ​បើ​កាលណា​លោក​អ្នក​ទទួល​ទាន​អាហារ​បែប​នេះ នាំ​ឲ្យ​ថ្លើម​ខំ​ប្រឹង​ធ្វើ​សំយោគ​ជាតិ​ផ្អែម​ដែល​ស្ដុក​ទុក​ក្នុង​ថ្លើម ឬ​និយាយ​ឲ្យ​សាមញ្ញ​ថា ថ្លើម​ខំ​ធ្វើ​ការ​ច្រើន គាប់​ជួន​បើ​ថ្លើម​កំពុង​រលាក ឬ​មាន​មេរោគ​ស្រាប់​ផង​នោះ ថ្លើម​នឹង​អាច​វិវឌ្ឍន៍​ទៅ​មិន​ល្អ​នោះ​ទេ៕

Comments (10)

  1. Like!! Really appreciate you sharing this blog post.Really thank you! Keep writing.

  2. tinyurl.com says:

    Hi my loved one! I want to say that this post is awesome, great written and include approximately all important infos.
    I would like to see extra posts like this .

  3. tinyurl.com says:

    Hi there Dear, are you actually visiting this site regularly, if so
    afterward you will absolutely obtain nice know-how.

  4. Ahaa, its fastidious discussion concerning
    this piece of writing at this place at this webpage, I have read all that, so at this time me also commenting here.

  5. ps4 games says:

    Greetings! Very helpful advice within this post!
    It is the little changes that make the greatest changes.
    Thanks for sharing!

  6. ps4 games says:

    Hey there just wanted to give you a quick heads up and let you know a few of the
    pictures aren’t loading correctly. I’m not sure why but
    I think its a linking issue. I’ve tried it in two different browsers and both show the same results.

  7. ps4 games says:

    Hello, I think your blog might be having browser
    compatibility issues. When I look at your blog site in Chrome, it looks fine but
    when opening in Internet Explorer, it has some overlapping.
    I just wanted to give you a quick heads up! Other then that, awesome blog!

  8. I was able to find good info from your blog articles.

  9. I am really loving the theme/design of your website.
    Do you ever run into any browser compatibility problems?

    A handful of my blog audience have complained about my site not operating
    correctly in Explorer but looks great in Firefox. Do you have any solutions to help fix this issue?

  10. ps4 games says:

    Ahaa, its nice discussion regarding this post here at this web
    site, I have read all that, so at this time me also commenting at this place.

Leave a Reply

Your email address will not be published.